‘शरण-शरणी’च्या हृदयातील हृदयस्पर्शी महात्मा बसवण्णा

1 min read
सुनील समाने
Follow me

सुनील समाने

सुनील समाने लिंगायत धर्माचे अभ्यासक असून त्यांचे अनेक लेख प्रसिद्ध आहेत.
सुनील समाने
Follow me
विश्वगुरु, समतानायक, लिंगायत धर्म संस्थापक, महानायक,जगतज्योती महात्मा बसवण्णा हे मध्ययुगीन कालखंडातील एक प्रकाशमान तारकामंडल की ज्यांच्या प्रकाशात सबंध विश्वात सामाजिक,धार्मिक,आर्थिक,राजकीय क्षेत्रात समता, समानता, विश्वबंधुता या विचारांना प्रकाशित करून एक नविन आदर्श समाज, विश्वकल्याणी विचार निर्माण केला. समानता, मानवतावादी विचारांच्या लढाईत ते प्रतीमल्लच नाही तर विजेता ठरले. ज्यांनी समाजक्रांती घडवून आधुनिक विचारांची मुहुर्तमेढ केली. ज्यांनी श्रमाला प्रतिष्ठा मिळवून ‘कायकवे कैलास’ हा मंत्र देऊन श्रमाला दैवत्व प्राप्त करुन दिले. अशा या महासागराहून विशाल,व सूर्य प्रकाशाहून प्रखर विचारांच्या महामानवा बद्दल शरण-शरणी च्या हृदयातील हृदयस्पर्शी भाव…
महामहीम संगणबसण्णा मला ही गुरु,तुला ही गुरू,जगतालाच गुरू पहा,गुहेश्वरा
                                                                         ~जागतिक आद्य प्रथम लोकसंसद अनुभव मंटप अध्यक्ष अल्लमप्रभु
शरण समतेला निधी बसवण्णा हो.
भक्तीचे समृद्ध पिक बसवण्णा हो.
मुक्तीचा तवनिधी बसवण्णा
सत्याचा निधी बसवण्णा.
.                                                                                           ~षटस्थल चक्रवर्ती चन्नबसण्णा
बसवण्णाच माता,बसवण्णाच पिता.
बसवण्णाच परमबंधु मजलागी.
वसुधीश कपिलसिद्ध मल्लिकार्जुना
तुमचे नाव ठेवलेले बसवण्णाच
                                                                                        ~ शिवयोगी सिद्धरामेश्वर
माझे स्मरण – विस्मरण बसवणास अर्पण
माझे आचार – विचार बसवण्णास अर्पण
माझे भाव – निर्भाव बसवण्णास अर्पण
                                                                                            ~ शरण माडिवाळ माचिदेव.
बसवण्णा मुळे जग जगते आहे.
                                                                                    ~बहुरुपी चौडय्या
त्रिदेवाचे मुळ स्थान आहे बसवण्णा
कामांतकासी जिंकले बसवा,तव कारणे.
शशिधरासी वश केले बसवा,तव कृपेने.
                                                                                              ~ ज्ञानगंगोत्री अक्क महादेवी
भक्तीचा निधी तु, मुक्तीची मुर्ती तु, लिंगजंगमांचे चैतन्य तु.
                                                                                                           ~ लिंगायत धर्म संकल्पीका अक्क नागाई
माझ्या भावनेला गुरु झाले बसवण्णा.
                                                                                     ~ मुक्तायक्का
अति तेजोमय बसवा,अनादिमूर्ती बसवा.
                                                                                                  ~ विचार पत्नी निलांबीका
मी बसवाक्षराचे जहाज चढून,
बसव,बसव,बसवा म्हणत
भवसागर ओलांडतो हो.
                                                                                                  ~ श्री षण्मुख शिवयोगी
इष्टलिंग ही बसवण्णाच, शिवलिंग ही बसवण्णाच, प्राणलिंग ही बसवण्णाच,
भावलिंग ही बसवण्णाच.
                                                                                                ~ शरण उरिलिंगपेद्दी
माझ्या कायेस गुरु झाले बसवण्णा.
                                                                                                     ~ शरण शंकर दासिमय्या.
भक्त बनल्यास बसवण्णां परी व्हावे.
                                                                                           ~ शरणी दुग्गळे.
बसवण्णांची वाणी परीस,
बसवण्णांची करणी, दृष्टी परीस,
बसवण्णांचे हस्त परीस, भाव परीस, मन परीस.
                                                                                                                  ~ वीर गणाचारी मडिवाळ माचिदेव.
बसवा बसवा बसवा हा नामजप पुरे नाही का ?
बसव भवरोगवैद्य, बसव करुणामुर्ती, बसव परमबंधु,
माझी शक्ती संगनबसवण्णा
माझे सुज्ञान चेन्नबसवण्णा
या दोघांचा एकोभाव प्रभुदेव.
                                                                                                                      ~ शरण नुलिय चंदय्या
माझ्या चित्तास आचारलिंग झाले बसवण्णा
माझ्या बुद्धीस गुरुलिंग झाले बसवण्णा
माझ्या मनात जंगमलिंग झाले बसवण्णा.
                                                                                                                          ~ शरण मेदार केतय्या.
माझ्या चित्तास “न” कार होऊन आलात बसवण्णा
माझ्या बुद्धीस “म” कार होऊन आलात बसवण्णा.
                                                                                                                           ~ शरण मोळिगे मारय्या.
बसवण्णांच्या प्रसादाने माझी काया शुद्ध झाली.
                                                                                                                        ~ शरणी लक्कम्मा.
बसवण्णा हेच अनादी लिंगवादी समजून
बसवण्णाच्या पदस्पर्शाने लिंगमार्गी झालो,
बसवण्णा च्या बोधाने जंगमच लिंग म्हणून जाणले.
                                                                                                                      ~ शरण मरुळशंकरदेव
माझ्या हीनकुलाचे सुतक
तुमच्या हस्तस्पर्शाने नष्ट झाले.
शुक्रशोणितामुळे आलेले सुतक
तुम्हास स्पर्शिताच मिटले.
                                                                                                                     ~ शरण डोहार कक्कय्या.
बसवा बसवप्पा,बसवय्या शरणु शरणु
सर्वाच्या हृदयात ज्योतिसम प्रकाशत असल्याने
महामहिमान्वित तुम्ही असल्याने मज हाच दिव्य मंत्र.
                                                                                                              ~ हडपण अप्पण्णा.
बसवपिठ उभारती, बसवमुद्रा मिरविती !
तयांची नाणी पाडिती, शोभायमाने !
तेव्हा भूलोक वश ना होती ?
                                                                                                   ~ सर्वज्ञ
अशा प्रकारे युगप्रर्वतन करणारे महात्मा बसवण्णांचा  शरणगण  शरण-शरणीने अत्यंत सहजपुर्ण,सुंदर अशा शब्दात, तन्मयतेने, भक्तीभावातून, आंतरिक मनातून बसव स्तवण केले आहे. त्यांची बसवभक्ती ही सर्वोच्च भक्तीचा साक्षात्कार देते.

लेखक:सुनिल चन्नाप्पा समाने (सर)

मु.पो.जकेकूर ता.उमरगा जि.उस्मानाबाद
रेंजहिल्स सेकंडरी स्कूल खडकी पुणे
प्रणयराज प्लाजा सोसायटी, विश्रांतवाडी, गोकूळनगर, धानोरी रोड, पुणे
इमेल:  sunil.samane@gmail.com

©सुनिल चन्नाप्पा समाने,२०१७. लेखकाचे संमतीने पुनर्प्रकाशित.

अस्वीकरण: या लेखातील मते ही लेखकाची वैयक्तिक असून त्यात लिंगायत युवा. कॉम च्या भूमिकेचे प्रतिबिंब असेलच असे नाही. सर्व कायदेशीर जबाबदारी लेखाकाधीन.

फोटो सौजन्य: Osmanian.com



जाहिरात

मुलांच्या, पालकांच्या, शिक्षकांच्या, व्यावसायिकांच्या, जोडप्यांच्या  सर्व प्रकारच्या विकास व ताण समस्या,  व्यक्तिमत्व, नातेसंबंध, संवाद तंत्र , मानसिक स्वास्थ्य, जीवनशैली, गृह रचना व फेंग शुई, शरीर-मन संबंध, चुकीच्या स्व-संकल्पना, स्वाभिमानाचा अभाव, अभ्यासातील समस्या, बोलतानाची भीती व गोंधळ, तरुण मुलामुलींच्या समस्या या व अश्या अनेक समस्यावर तज्ञाद्वारे उपयुक्त मार्गदर्शन अगदी माफक फी मध्ये देणारी एकमेव ज्ञानव्यवस्था: सेल्फहूड

आपल्या संस्थेमध्ये तसेच शाळेमध्ये आमच्या विविध कार्यशाळा आयोजीत करण्यासाठी संपर्क करा ९८१९१७९३७७.

Print Friendly, PDF & Email

सुनील समाने

सुनील समाने लिंगायत धर्माचे अभ्यासक असून त्यांचे अनेक लेख प्रसिद्ध आहेत.

Read previous post:
योगियांचा योगी शिवयोगी स्वन्नलगी – सोलापूरचे सिध्दाराम

शिवयोगी सिध्दारामांचा जन्म १२.व्या शतकात स्वन्नलगी आताचे सोलापूर, या गावाचे पाटील मुद्दनगौडा आणि सुग्गलदेवी या कुडीय वंशीय म्हणजे कुडावक्कीलगा शेतकरी

Close